Ka sorkar Meghalaya da pyntip ko wa da pynkrehkaam ko ya ka Real Estate Regulatory Authority (RERA) ha ka 18-02-2020 hapoh ka Real Estate Regulation and Development) Act, 2016 yow wanrah yei kreh deiwa khooid wa em i kitkhlieh wa ki kyndon neibynta kiwa em hei kaam Real Estate neibhah kani ka kaam toh kawa da sdang wow heh u san hapoh ka jylla.
Ka RERA Meghalaya toh ka wow pait yei leh Registration heiyatoh wa i chna i tei ya ki yung ki sem ki thaw ki bhaw, i leh Register ya ki Promoter wa ki Agent katkam ki kyndon ka aiñ.
Da em leh ka laad wow bichaar yei ya kajia, u yada yei hok kiwa thied yung wei kani ka RERA u em ko ya u Chairman wa pura wa ar ngut ki dkhot ki wow krehkaam laitlooid kam ka chnat wa da tipmit da ka sorkar.
Ka yung krehkaam ka RERA toh kawa ha Urban Affairs Complex, Kharmalki (hadien ka Shillong Law College), Dhanketi, Shillong.
Ka sorkar da ong ko wa kani toh kawa da emkaam wow leh deiwa yoo yei man ka yaaw yadai yathied thaw kamjooh i ya e wai, yow em ka laad wow yada ya kiwa dai wa thied kamjooh u man i waroh iwa khooid wa suba.
Kamtæ ka RERA Meghalaya da kyntu ko ya waroh ki Promoter, ki Developer wa ki Real Estate Agent wa em hapoh ka jylla wow Register ki ya idæ wa ya ki kaam (Project) wa kreh ki katkam wa da kdaw ka aiñ. Da ong leh wa ini ym du wa emkaam wow leh katkam ka aiñ tangwa yow wanrah i chaniah wei yow lai chakhmat yow pynman ya kani ka kaam wa miat wa bha.
Kitu ki wym leh katkam wa da phah daw chah pynchitom ki katkam ka aiñ.
Discussion about this post