Da psiah ar dhab katwa dang yang sa ar yow psiah cha ka Semi Final U-14

by Wyrta Staff

April 1, 2016

Reading Time: 2 mins read

Jowai : Ynne ka sngi da psiah sa kawi ka dhab cha ka Semi Final ka lympung yachut ball U 14 wada pynman da ka West Jaiñtia District Sports Association ha Kiang Nangbah Stadium, Jowai.

Ha ka yakhun ha pyrdi ka Chutwakhu SC wa ka Mookyrdup SC heiwa da jop ka Chutwakhu SC da 2-0. Ya kini ki goal da thap da u Hepstar Rupsi ha k minit wa 13 wa u Kiahpynbiang Mukhim ha ka minit wa 54.

Neidaw wa rem ka Mookyrdup SC ynne ka sngi da da yohlad ka Dongmihsngi u psiah cha ka Semi Final katwa ka Chutwakhu SC haap yang ko mynstep hei yakhun ka Umchangiar SC wa ka Khimmusniang SC wei ka Chutwakhu SC u psiah ko lada rem ka Umchangiar SC.

Ka Umchangiar SC yow psiah ko ha ka Semi Final emkaam u tam ko 4 goal ya ka Khimmusniang mynstep.