Da pteiñ ya ka EPP yow thooh ya kiwa yalehke wa em sap ka jylla Meghalaya

Ka Meghalaya State Olympic Association (MSOA) ryngkat waka ARMS- PT/EDGE 10-SPORTALITY, chirup i krehlang waka Department of Sports & Youth Affairs ka sorkar jylla, da sdang pynkrehkaam noh ki ya ka Elite Pathway Training 2nd Camp, kawa da man ha ka 17 wa 19 tarik uni u bnai ha JN Stadium, Polo Shillong. 

Ka thong yong kani toh wow pynkylla ya ka rukom pynmih ya kiwa yalehke na kani ka thaaiñ heiwa da hikai pynchkeh ya ki nadooh dang khian wei wow booddien hadooh wa da pura ki. Kani ka Elite Pathway Program (EPP) toh kawa kongsan yong ka STAR Program kawa da pynmih da ka sorkar jylla wei da pynkrehkaam da ka Edge10 Group kawa man ka seiñ na Australia ryngkat waka Meghalaya State Olympic Association wow thooh ya ki khynnah wa emsap ha ka jylla. 

Ha kani ka sngi da emlang u Sampat Kumar, Principal Secretary, Programme Implementation & Evaluation Department, ka sorkar jylla wa u Ian Campbell, u khloor yalehke Olympic uwa da dep mihkhmat ya ka Australia ha ka 1980 Olympics wa kiwi kiwi ki sahep sorkar. 

Neiliang u Ian Campbell hawa e yei klam da ong u wa najrong wa ka jylla em ko ya ka rym-aw wa miat em ko leh ya ki bru wa em sap kiwa dang khai wei hadien wa dadep u pait ya palat 14,500 ngut kiwa yalehke lyngba ki yalehke wa har rukom ha waroh kawi ka jylla, da sñiawthooh u yei boon kiwa em sap ha ki. 

Related posts

Santosh Trophy 2024-25: Psiah Final Round ka Meghalaya

November 24, 2024

Super Division Saipung: Jop ka Pyrdung wa ka Mulait United

November 23, 2024

Lyngba ka EPP em hadooh 14,500 ngut ki khynnah kiwa da wan pynyoo ya ki sap yong ki ha kiwa boon ki bynta yong ka jylla, wei na kini em hadooh 200 ngut kwia da chah jied neibynta kani ka EPP. Kini kiwa yalehke em ki ha chah sikai wa chi snem kawa da phiah ha ki ar bynta kiwa kynthup ya ki hikai da ki Coach wei i pait bniah wa da pynman man ka tayaaw yow pynbniah yei sap.

Ka bynta wa ar won yong ka EPP toh i pynjra doh wa markhmat ha SAI Centre NEHU heiwa kiwa yalehke wa da chah jied da chah hikai ki hapoh i pait u Ian Campbell wa ki bru yong oo. Kani ka e sikai na ki Coach wa pawnaam da dep pynman leh ha u Naitung (Apr) 2023 heiwa da em uwa yalehke warim ka Manchester United, u Jesper Olsen wa kiwi kiwi de ki Coach.

Ka thong (Benchmark) wa hap ye u leh neibynta kiwa da em 18 snem man ko kamni ha wah: