Da pyllait paidbah ya ki Sticker wow tipmit ya ki kari kamai Local Taxi hapoh Jowai

Jowai: Ka seiñ ki tre kari kamai local kamjooh kiwa yah kari kamai wa tip kam ka West Jaiñtia Taxi Owner’s Driver Association, ynne ka sngi da pyllait paidbah u DTO ka West Jaiñtia Hills u P. Laloo ya ki Sticker ka seiñ ha ka yalang wa pynman ha khmat yungkrehkaam u DTO.

Ha kani ka sngi da emlang leh u President ka seiñ u H. Passah uwa da ong wa kini ki Sticker toh wow pynyaphær ya ki kari kamai Local Taxi kiwa em ha West Jaiñtia Hills, East Jaiñtia Hills wa kiwi ki District yow lait ki u wan kamai palat ya i thaw wa da e bor ya ki.

Neiliang u D.H. Pde Traffic In-charge ka Jowai da yaroh u yeini wa leh ka seiñ deiwa ong wa katni khleh takulæn hi-eh ki kari wa wan kamai Local ha Jowai hadooh wa da em leh ki kari na East Khasi Hills wei ini i leh ka seiñ u yarap ko ya ki pulit wow kem ya kiwa kamai khlem biang kot kiwa wan nabaar ka District.

Chooh chooh da ong u leh wa neidaw waka seiñ u e ko ya kini ki Sticker du ya ki dkhot ka yong ka daw pynwiar ya kitu kiwa wan kamai du chitayaw artayaw neibhah em kiwa wan leh pynsih dep te yut ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da kyntu u leh ya ki dkhot ka seiñ wow yarap ya kiwa wan uiñke suwari wei ymhoi u kheiñ dor ya ki ar chah le chah neibhah neini wa leh ki daw dooh nong waroh ki bru lada dam ki u wan biang cha ka thaiñ yong i.

Ki dkhot ka seiñ leh da kyntu ki ya ki paidbah ka chnong Jowai wow chong du ha kini ki kari wa em kani ka Sticker neibhah lada em wa wiar tiar wa iwi iwi i jia deiwa pyntip cha ka seiñ ya i number ki Sticker suk ka seiñ u yarap.

Kini ki Sticker toh ki wow pynthymme chisien chisnem.