Jowai : Ka Khasi Jaiñtia National Union (KJNU) ynne ka sngi da pyllait paidbah ko ya ka thup rwai (Audio CD) wa e pyrtuid ka “Ri ba kyrpang” ka wa em le tylli ki rwai maya ri kiwa pyrtuid 1. Ri ba kyrpang 2. Ri baieid jong nga 3. Dustur riti.
Ya kani ka CD da pyllait paidbah da u kongsan u N. Tyngkan uwa ong wa ha i katni duna bha ki rwai pynkhyrngiat yongbru yow maya ya ka jaitbru wei da yaroh u ya ka KJNU yeini wa kreh chitom wow leh yeini i kaam.
Da ong u wa waroh ki seiñbhalang toh u em ki i thong hawa sdang ya ka seiñ wei u man ki kiwa kreh chitom yow poi cha kani ka thong.
U President ka seiñ u N. Shadap ong u wa seiñ toh kawa yieñ ha ka nongrim wow yaleh yow yoh ya ka jylla Khasi-Jaiñtia Land wei kini ki rwai toh kam chibynta wow poi cha ka tai ka thong.
Ha kani ka sngi da em leh kiwi ki seiñbhalang kam ka WJNU, MPUF, HYC kamjooh leh ki dkhot Women’s Wing ka KJNU.
Ki arngut kiwa rwai ha kani ka CD u E. Dkhar wa u R. Suchiang ha kani ka sngi da rwai ki leh ya iwi i sur na kani CD wei ya ki rwai da thoh da u P. Lyngkot, u N. Shadap, u wa u E. Mylliemngap.
Ha kani ka sngi da yoh leh yei klam na u President ka MPUF, WJNC wa kiwi kiwi.
Discussion about this post