Jowai: Ka Anti-Narcotics Cell ka Jowai Police Station kam chibynta i pyrchang yong ka wow pynbna paidbah yow yait nei dih drugs kamjooh leh yow e mynsien ya kiwa yaleh yow lait ki nei kdoh i khoom ki jait drugs wa boon jait, da pynyoo paidbah ko ya ka Video wa chna hei krehkaam wa ka ophis u SP ka West Jaiñtia Hills wa ki khynnah puræ ka Thomas Jones Synod College kawa rah ya ka khubor e mynsien kamjooh i snieñ.
Ha kani ka video da em ki kyntien snieñ wa da thoh da kiwa sikai ka Thomas Jones College, ki pulit wa ki bru paidbah wei da li riñ ya kani ka video ha kylleiñ ka chnong Jowai.
U R. Muthu, SP ka West Jaiñtia Hills hei klam yong oo da ong u wa ki khynnah dang khian katni da chah yah luti bakla heiwa boon wa sñiawthooh bakla ki wa i dih ymtoh iwa phær, lada em i sñiawthooh kamni haap pynsiawthooh ya ki yei ma na i dih drugs. Ka mynried ka mankawi ka chnong ka thaw toh yong ki khynnah ki khynroo khyllood kamtæ emkaam u rai nadooh katni wow yait ya ki drugs.
U SI u A. Wahlang wa pait leh ya ka Anti-Narcotics Cell da ong u wa hadien wa da sdang ya ka Positive Addiction Campaign deiwa pynman da ka FUTSAL ha u Thohlakhmi (February) uni u snem da kwah biang u pteiñ ya ini deiwa pynkynmoo biang ya ki paidbah yei ma wa ki drugs booh ki wei ktah i ym du ya uwa dih kamjooh leh ya kiwa ha yung ha sem yong ki.
Da yooluti u leh wa kani ka video daw yarap ko ya kiwa boon.
Ya ka video da riñ wei da edit da u Daniel Gatphoh.
[arve url=”https://www.youtube.com/watch?v=mexDCiLpiDE&feature=share” /]
Discussion about this post