Jowai: Ka yung krehkaam ka Sub-Divisional Officer (Supply), Amlarem Sub-Division, Amlarem da pyntip ko wa da pyllait ya u khoo AAY, NFSA (PHH) wa Non-NFSA neibynta uni u bnai Kmaichonglad (December), 2017 wei daw pyllait ya oo cha ki dukan Fair Price Shop nadooh ka 19 wa 20 tarik uni u bnai.
Ya i phniang charak (S. K. Oil) neibynta u Kmaichonglad 2017 daw pyllait cha kiwa dai ha ka 21 wa 22 tarik uni u bnai.
U Khoo AAY Rice u pyllait 35 Kg ka wi ka manyung heidor T. 3 chi kilo, u khoo NFSA (PHH) u pyllait 5 kilo uwi u bru heidor T. 3 chi kilo katwa u khoo Non-NFSA won u dai hei dor wym hoi u pyllat ya T. 13 chi kilo.
Ym e khoo namo i phniang charak cha ki dukan PS Dealers wa S. K. Oil Retailers lada ym ye ki u pynyoo ya ka Sales Register wa ki Utilization Certificate kiwa da dep soi dep pynsakhiat da ki dkhot ka Vigilance Committee.
Ya ki paidbah da pyntip wow li chim ki ya i bhah yong ki na jar jiar ki dukan Fair Price Shop Centre wa em ha chnong namo ki dong yong ki.
Lada em kiwon kiwon kiwa ujor wa em kiwa dai pyllat yei dor wa booh kamjooh kiwa chah pyndooh yei hok yong ki, toh u thoh ki cha ka yungkrehkaam ka Sub-Divisional Officer (Supply), Amlarem Sub-Division, Amlarem deiwa toh lang yei pyrtuid, i chnong yow ye u pynchitom ya kiwa leh bakla.
Discussion about this post