Jowai: U Deputy Commissioner (Supply), West Jaintia Hills District, Jowai da pyntip u wa ya u khoo Antyodaya Anna Yojna (AAY), Priority House Hold (PHH) wa Non-NFSA neibynta u Naikhynde 2018 wa i chini rachon neibynta bnai Duiatra (January), Thohlakhmi (February) wa Wisu (March) 2018 deilang waka stock wa sah nadooh u Naitung (April) hadooh u Naikhynde (September) 2017 du ha ki bynta ki chnong sor wei daw ye u yoh leh na waroh ki Fair Price Shop.
Ya u khoo Antyodaya Ann Yojna (AAY) u saam 35 kilo kawi ka AAY FI Card heidor T.3 chi kilo yei waroh kiwa em cha nongkyndong wa kiwa em cha sor, u khoo Priority House Hold (PHH) u saam 5 kilo samen chi bnai heidor T.3 chi kilo neibynta kiwa em cha nongkyndong kamjooh leh cha sor katwa ya u khoo Non-NFSA u e 9 kilo kawi ka manyung katkam i dor wa booh da ka Vigilance Committee u wym hoi u dai palat T. 13 chi kilo ha waroh ki thaw.
I chini heidor 1 kilo iwi i manyung chi bnai u dai heidor T. 30 chi kilo ha waroh ki thaw wei daw pyntam leh 100gms ya ki manyung wa em cha sor.
Discussion about this post