Khliehriat: U Deputy Commissioner (Supply), East Jaiñtia Hills District da pynbna paidbah u wa da pyllait ya u khoo u wym emkaam u su PMGKAY (Free of Cost) neibynta u Naiynñiaw (July), 2020 hapoh ka District.
I rukom saam ya u AAY daw saam 5 kg chi khlieh du ya kiwa em ya ka Card Rachon AAY wei ya u PHH daw saam 5 kg chi khlieh ya kiwa em Card Rachon PHH.
Kamtæ da kyrpad ya ki paidbah wa lada chem ki wa ya uni u khoo, ki Dealer ym e ki katkam ki kilo wa da booh wei chim poisa ki, ye ki u ujor cha u Deputy Commissioner (Supply), East Jaiñtia Hills District khnang wow pynchitom ya ki katkam ka aiñ wa da booh da ka sorkar.
