Da pyllait yaka kot u Soso Tham kawa da pynkylla chei ktien phareng hei emlang u ksu u Thomas Jones

Jowai: Ka Martin Luther Christian University ynnin ka 19 tarik da pyllait ko ya ka kot wa thoh da ka Janet Hujon kawa e pyrtuid Tales of Darkness and of Light kawa da pynkylla cha i ktien phareng yaka kot wa thoh u Soso Tham kawa e pyrtuid u Ki Sngi Barim u Hynniewtrep.

Ha kani ka sngi da emlang leh u Prof. Andrew May, uwa man u ksu yong u Thomas Jones uwa da klam hajrong ka Welsh Missionary, i rukom im wa ki kaam yong u Thomas Jones ha India khamtam wa ki bru na Meghalaya wa Assam. 

Da khana u leh ya ki por wa dang khynnah u heiwa da sdang tip u ya ki yurim wa u Thomas Jones im u kiwa da pynchlur ya ki bru wa boon pateiñ kattu. 

Hadien i klam na u Prof. May da pynlait ya ka kot ka Janet Hujon wa da e pyrtuid Tales of Darkness and of Light kawa man ka kot wa da pynkylla pharæng ya ka kot U Soso Tham, kawa tip kam ka Ki Sngi Barim u Hynniewtrep. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kani ka kot da pyllait da ka Sarahline Giri Tham, kawa man ka pyrsa ksu u Soso Tham. Kani ka kot toh i pyrchang ka Hujon u pynyoo yeiwa mut u Soso Tham wow man kam u Khasi. Ha kani ka kot da thoh hajrong i rukom im ki jaitbru Khasi, ki lehniam, i ngait wa ka dustur riti kamwa da khana u Tham ha ka kot Ki Sngi Barim u Hynniewtrep.

Ka Sarahline Tham, hawa e yei klam da yaroh ko ya kani ka skurbah wa kawa thoh kiwa pynkylla ya kani ka kot khnang wow ye kiwa boon u puræ ya ka. 

Da yooluti ko leh wa ki bynta wa thoh u Tham u ye ki wow pynchongyurim ya kiwa puræ ya ka ha kani ka juk wa katni.