Jowai : Ka Kiang Nangbah Government College ynne ka 6 tarik da pynbaam smai ko ya ki 11 ngut ki dkhot ka Kiang Nangbah Government College Students’ Union (KNGCSU) ha ka yalang hapoh ka Auditorium ka College heiwa ki dkhot da jop ki khlem em ka yaleh election.
Ini toh katkam i ong ka Principal ka College ka kong J. Lyngoh toh ka sien wa nynkong wa yoh u pynbaam smai khlem yaleh election heiwa ym em wa wan yieñ pyrchah ya kini ki 11 ngut.
Ki dkhot thymme ka KNGCSU toh man ki kamni ha wah :
1. U Kermi Talang kam u Vice President uwa puræ BA 3rd Semester (Day).
2. U Justice Paul Lyngdoh kam u General Secretary uwa puræ BA 1st Semester (Day).
3. Ka Sakarupaia Rymbai kam ka Assistant General Secretary kawa puræ BA 1st Semester (Day).
4. U Peter Ram Sutnga kam u Secretary Outdoor Games and Sports uwa puræ BA 1st Semester (Day).
5. U Mebasuk Sungoh kam u Secretary Indoor Games and Sports uwa puræ BA 3rd Semester (Day).
6. U Neal Jordan Rymbai kam u Secretary, Cultural Affair (Music & Drama) uwa puræ BA 1st Semester (Day).
7. U Semitone Tariang kam u Secretary Social Service uwa puræ BA 1st Semester (Day).
8. U Pyniar Dhar kam u Secretary Debate & Symposium uwa puræ B.Sc 1st Semester.
9. U Medawanshwa Lyngdoh kam u Students’ Editor uwa puræ BA 1st Semester (Morning).
10. U Auspicious Talang kam u Secretary Boys’ Common room uwa puræ B.Sc 1st Semester.
11. Ka Rilamshai Phawa kam ka Secretary Girls’ Common room kawa puræ BA 3rd Semester (Morning).
Ka principal ka college hei klam yong ka da pynkynmoo ko ya waroh ki dkhot wa baamsmai wa i kaam wa nyngkong dooh u leh ki toh i puræ puthi yow poi ki cha khmat yow yah luti ki ya waroh ki khynnah, ham elaad wa i man ki kam kiwa mihkhmat u yah ko cha i sepai i puræ puthi yong ki.
Da pynbna ko leh wa yow yoh scholarship waroh ki khynnah emkaam ki ya u Aadhaar wei ya ka lehkmen Golden Jubilee yong ka college u sdang ko nadooh ka 15 tarik u September 2016.
Ya ki khynnah wa da yoh man dkhot ka KNGCSU toh da leh katkam wa da kdaw da ka aiñ heiwa waroh toh kiwa ym em ki, ki subject wa ym em pass ki (Arrear Subject).
Discussion about this post