Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang ha yung (Apartment) ka Shibani Paul kawa chong wai u Ambika Paul, Rilbong hajan Dew Drop Guest House, kiwa chong wai ha i thaw ka Mei Ying Nongkhlaw ha Madanrting, Lumbasuk, Block-A, ha i yung u Dr. D. Robin Dkhar wa em ha Demthring, Block-3 hajan Supercare Hospital wa ha i thaw ka Ester War ha Lummawrie, Laitumkhrah wa da emkaam wow leh yei booddien ya kiwa em hei maa, i leh Quarantine, ki Test wei wow khangkset yow yada nei poor uni u khñiang.
Kamtæ ka District Magistrate, East Khasi Hills District da pynmih hukum ko ynne ka 4 tarik yow pynbna ya kitai ki thaw kam ki Micro Containment Area nadooh ynne ka sngi yow khang yei psiah i mih khlem da yoh cha kini ki thaw.
Ha kiwi won ki hukum, hadien wa da dep wow leh ya iwa emkaam wei da yoh leh ya ki Report, ka District Magistrate, East Khasi Hills District da pynmih hukum ko ynne ka 4 tarik yow pyndam yei man Containment Area ya i yung Dr. S.S. Nongbri, New Kench’s Trace, Bishnupur, i thaw u Algino Sangot ha Nongrimmaw, Shillong wa i Flat No.11 ha “Hill Vista” Building ka Merilda Suting ha Upland Road, Laitumkhrah, Shillong nadooh ynne ka 4 tarik.
