Jowai: U District Magistrate, West Jaiñtia Hills da pynmih hukum u ynne ka sngi ya ki jaitkaam wa lait naka Curfew wei ini kynthup ko ya ki Fishing (Marine) Aquaculture Industry namo i psan dakha wa kynthup leh wow e baam, u chna ya iwa sih, u kem dakha, u pynkhreh pynman baam yaki, u song baam wa chna naki, u pynpoi yaw yaki wei kamjooh wow dai yaki, da kynthup leh ya i kit yaki jait dakha, i baam dakha, ki wakreh neibynta kini ki kaam, kiwa man leh kiwa lait naka Curfew.
Da chah leh wow wai yaki karkhana chna kari, yow chna yaki kari sorkar kam ki Ambulance wa kiwi ki kari sorkar wa kreh neibynta ki kaam wa yatoh wa u COVID-19. Kini ki karkhana wa chah u wai toh kiwa da jied da u District Transport Officer, West Jaiñtia Hills District, Jowai wei man ki leh kiwa da lait naka Curfew, kitæ toh:
- MS Dowell Auto Workshop, Ladthalaboh, Jowai neibynta ki kari wa pynemkaam Petrol.
- M/S B.D. Auto Work, Mihmyntdu neibynta ki kari Diesel.
Da chah leh wow wai yaki dukan dai Spare Parts kiwa man kamni ha wah:
- Lytan Auto Spare Parts, Mooralong, Jowai.
- Rani Motors Genuine Spare Parts, Mihmyntdu.
- Mahindra Genuine Spare Parts, Lad Nartiang, Jowai.
Katwa ya ki karkhana wow chna yaki Truck wa em harood ki sarok bah (National wa State Highway) daw jied da u District Transport Officer, West Jaiñtia Hills District, Jowai.
Neiliang u District Magistrate da pynkynmoo u wow bood yaka Social Distancing deiwa yajngai 1 metre uwi na uwi, wow tymmoh yei ktien hawa ky’oh, u sait kti dei langær deiwa pynemkaam ya i sabon waka um, u sap yaka Mask wei ym toh wow mynthu cha ki thaw paidbah.
Kiwa leh pyrchah daw pynchitom yaki hapoh ka kyndon Section 51(6) ka Disaster Management Act, 2005.
Discussion about this post