Shillong: Neidaw wa em kiwa yoh COVID-19 wei da em leh kiwa em hei maa wow yoh ya uni u khñiang kamtæ da emkaam wow leh yei booddien yaki, u leh yaki Test wei wow khangkset yow yada yaki paidbah nei poor uni u khñiang.
Ka District Magistrate, East Khasi Hills District da pynmih hukum ko haka 6 tarik uni u bnai yow pynbna ya i yung wa i thaw ka Prop Nongkhlaw ha Lumsohphoh Neng, Upper Lumparing, i First wa Second Floor i yung (Building) u Dr. A.K Das wa em hajan Hope Clinic, Pine Mount Ridge, Laban, i Top Floor i yung u Pradip Paul wa em hajan Oxygen Godown ha Rilbong, ki yung ka Iba Shadap, ka Philinda Khongsit wa i yung ka Emilda Khongsit ha Nongkhyriem Block-2, i yung ka Wanbet Rapsang ha Mawlai Nonglum, i yung u Renelin Dkhar wa em pyrchah yaka Income Tax Transit Office ha Upper Lachumiere wa i yung ka Anita Pariat ha Qualapatty yow man ki kam ki Micro Containment Area yow khang yei psiah i mih khlem da yoh bor cha kini ki thaw.
Ha kawi won ka hukum, hadien wa da pyndep ya i booddien kamjooh da yoh yaki Report, ka District Magistrate, East Khasi Hills District da pynmih hukum ko ynne ka sngi yow pyndam yei pynman Containment Area ya i dukan Deka Store, ki thaw sah u Vinod Deka ha Cleve Colony, i yung u Ashok Dutta (uwa chong wai) ha i thaw ka Victoria Marbaniang ha Laban, Masjid Road chisyndon.
