Shillong: Neidaw wa em kiwa yoh COVID-19 wei yow ye u leh yeiwa emkaam kam i leh Test, i booddien ya kiwa em hei maa wow yoh ya uni u khñiang wei wow khangkset yow yada nei poor uni u khñiang.
Ka District Magistrate, East Khasi Hills District da pynmih hukum ko yow pynbna yei yung House No. 29 ka A. Syiemlieh, Nongrimbah, wa i yung (Outhouse) ha Brightwell Bungalow Quarter No.4 wa em pyrchah yaka Lady Hydari Park wa i yung ka Amila Sawkmie ha Oxford Hills yow man ki kam ki Micro Containment Area yow khang yei psiah i mih khelm yohbor cha kini ki thaw.
Ha kawi won ka hukum, hadien wa da dep wow leh yeiwa emkaam wei da yoh leh yaki Report, ka District Magistrate, East Khasi Hills da pyndam ko chisyndon yei pynman Containment Area ya kini ki yung ha wah:
I yung ka L. Lyngdoh Mawphlang (wa chong wai) ha i yung (Building) u K.C Bairo, Lawsohtun Block-5, i yung (Apartment) u P. N Jaiswal, uwa chong wai u L.B. Rapthap, Bishnupur, i yung u Gopal Thapa, Nepali Compound, Rilbong, i yung (Building) ka D. Wahlang wa em pyrchah ya i ‘Sterian Rynjah Store’, New Kench’s Trace, Bishnupur wa i yung ka Champa Das Gupta, Rilbong.
