Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang, yow ye u booddien ya kiwa yachem wa kiwa yoh COVID-19 kamjooh kiwa yachem pateiñ, yow ye u leh ya ki Test wa kiwi kiwi yow yada yaka imlang sahlang nei poor kani ka khlam.
Ka District Magistrate, East Khasi Hills District da pynmih hukum ko yow pynbna Micro Containment Area ya i yung u R. Kharjana, Pdengshnong, Lower Mawprem yow khang yei psiah i mih khlem da yoh bor cha ini i thaw.
Ha kawi won ka hukum hadien wa da dep wow leh yeiwa emkaam kamjooh da yoh yaki Report, ka District Magistrate, East Khasi Hills da pyndam ko chisyndon yei man Containment Area kini ki yung ha wah:
I yung u S. Roy (wa chong wai) ha yung ka B. Nongkhlaw, Howell Road Laban, i yung ka P. Lyngdoh (wa chong wai) ha i yung (Building) ka S. Khongjee, Anand Bhavan, Howell Road Laban, ki yung ka Roma Devkota, Pooja Thapa waka Sushila Gewali wa em ha Nepali compound, Rilbong wa i yung (Apartment) ka Pronoti Choudhary, Chinmoy Paul Building ha Rilbong wa em hajan Beat House.
