Shillong: Neidaw wa em kiwa yoh COVlD-19 kamjooh leh wa em ki bru wa em hei maa (High Risk Contact) ha ki yung wa em Rilbong, wei wow ye u leh ya i booddien namo i Contact Tracing, Quarantine, Testing wa kiwi kiwi, wei kamjooh leh yow khangkset ya kini ki thaw yow yada nei poor ka khlam COVID-19.
Ka District Magistrate, East Khasi Hills District, haka hukum wa pynmih haka 15th August, 2020 da pynbna ya i yung u Gopal Thapa, Nepali Compound, Rilbong wa i yung ka Sushma Taludkar, Burnside Area, hajan Sankardev College Girls Hostel, Rilbong yow pynman ya kini ki thaw kam ki Containment Areas nadooh ka 15th August, 2020 yow khang yei psiah i mih khlem yoh bor cha kini ki thaw.
Na ki jooh ki daw, ya ki yung ka D. Wahlang iwa em marpyrchah yaka ‘Sterian Rynjah Store’, New Kench’s Trace, Bishnupur da pynbna leh kam ka Containment Area nadooh ka 15th August, 2020.
Da pynbna leh yaka Thiang Compound, Raj Compound wa Hari Compound ha Nongsohphoh, Upper Mawprem kam ki Containment Area nadooh ka 15th August, 2020.
Kani ka hukum da khang ko yaki bru paidbah wow psiah cha kini ki thaw wei kamjooh leh ya kiwa em hapoh kini ki thaw wow neh bait ki hapoh yung.
Da khang wow pynman ya kiwon kiwon ki yalang paidbah, u wai yaki dukan, ki yung krehkaam sorkar kamjooh ki yong ki bru samen hadooh wa pynmih hukum da kamwi.
Kani ka hukum ym em khang ko yaki wakreh ka chnat i chait i khiah, ki wakreh ka Shillong Municipal Board, ki laad pathai khubor, ki Petrol Pump wa kiwa lai booh yaki kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
