Shillong: Neidaw wa em kiwa yoh COVID-19 kamjooh leh da em kiwa em hei maa wow yoh ya uni u khñiang hapoh ka ICDP Farm 6th Mile kawa haap hapoh ka chnong 5th Mile heiwa da emkaam wow leh yei booddien, Testing wei wow khangkset yow yada nei poor uni u khñiang.
Ka District Magistrate, East Khasi Hills District, haka hukum wa pynmih ynne ka 3 tarik da pynbna Containment Area ko yaka Administrative Unit, Bull Farm Unit, Central Semen Bank Unit, Artificial Training Centre waka Pig Farm Unit wa em hapoh ka yung krehkaam u Assistant Director ka ICDP Farm kawa em hapoh ka chnong 5th Mile, Upper Shillong lait noh yaka Cattle Farm wa em hapoh ka yung krehkaam u Deputy Director, Indo-Danish Project yow khang yei psiah i mih wakhlem yoh bor cha kini ki thaw.
Kani ka hukum da khang ko leh yei mih cha lait kiwa em ha kini ki thaw wei toh u neh bait ki hapoh yung.
U Incident Commander & Block Development Officer, Mylliem C&RD Block u pait u yei pynkrehkaam kani ka hukum.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
