U Sub-Divisional Magistrate ka Mairang Civil Sub-Division, Mairang ha ka hukum wa da pynmih ha ka 17 tarik uni u bnai da pyntip u wa na i daw wa ku yong kiwa yow COVID-19 wa ki High Risk Contact namo kiwa em hei maa nei yachem wa kiwa yoh ya uni u khñiang ha ka chnong Umthlong, Mairang Civil Sub-Division, kamtæ da pynbna ya katai ka chnong kam ka Containment Zone kam chibynta wow kdoh u khoom yei poor uni u khñiang.
Katkam kani ka hukum, ym chah ya kiwon kiwon wow psiah ha katai ka Containment Zone lait noh ki wakreh yong ka chnat i chiat i khiah wa kitu kiwa da yoh bor na u Incident Commander wa toh u pait ya kani ka chnong wei waroh kiwa chong chnong toh u chong ki khop hapoh yung, wei toh u deiñ mask tikna, ym toh wow yakhleh wa kiwi won wei toh u pait bniah bha lada em ki ya i iñdoh næ ky’oh næ dap rupai wei jynjar wow riñ næ pynhiar mynsien.
Chooh chooh, waroh ki dukan, ki yung krehkaam wa ki Bank kiwa em ha ka chnong Umthlong u man ki kiwa khang wei kiwon kiwon kiwa tyngkheiñ ya katai ka hukum u chah pynchitom katkam ki kyndon aiñ yong ka Disaster Management Act, 2005 wa ka IPC.
