U DC ka West Jaiñtia Hills da pynkrehkaam u da ka Night Curfew nadooh 8:00 waje i miet hadooh 6 waje i step ha ki bynta wa man 200 Meter nadooh u Zero Line (International Border) wei ya kani ka hukum da pynmih hapoh ka Section 163 ka BNSS.
Kamtæ da khang yei lai i wan ki bru ha khappood dei thmu wow kaap ya u pood.
Da khang leh wow yalang palat 5 ngut ki bru deilang i rah tiar pynmynsoo nadooh ki tiar yasiat, ki dieñ ki moo ha khappood wa ka Bangladesh.
Da khang haroh wow leh ki kaam pyrchah aiñ nadooh wow chalan ya ki mar, ki mrad, u kwai, u pathi, i ktung, u biri, u duma, ka sla cha wa kiwi kiwi de.
Ya kani ka jooh ka hukum pynman Night Curfew leh da pynmih da ka DC ka East Khasi Hills neidaw wym em miat i long i man ha Bangladesh wei ye u wan psiah kiwa boon nadooh ki seiñ kieñ suloi, ki bru wa leh ya ki kaam pyrchah aiñ kiwa wan na Bangladesh.
Kini ki hukum toh ki wow krehkaam chisiendon hadooh wa da pynbna da kamwi.
Discussion about this post