Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang ha ki yung (Compounds) wa em ha Jhalupara wa ha Goenka Compound (Kamakhya Complex) mar pyrchah waka Cantonment Beat House, kamtæ da emkaam wow leh yei booddien (Contact Tracing), Quarantine, Testing kamjooh yow khang kset ya kini ki thaw yow lait nei poor uni u khñiang yow yada yaki paidbah.
Kamtæ ka District Magistrate ka East Khasi Hills District, da pynmih hukom ko haka 18th August, 2020 yow pynbna yaka Musa Compound wa Gopalji Compound ha Jhalupara wa Goenka Compound (Kamakhya Complex) mar pyrchah ka Cantonment Beat House wow man ki kam ki Containment Area yow khang yei psiah i mih khlem yoh bor cha kini ki thaw.
Kani ka hukum da khang ko ya ki bru paidbah wow psiah cha kini ki thaw kamjooh kiwa em hapoh kini ki thaw wow neh bait ki hapoh yung.
Da khang wow pynman ya kiwon kiwon ki yalang paidbah, i wai yaki dukan, ki yung krehkaam sorkar wa ki yong ki bru samen.
U Incident Commander, Zone-IV, man u kam u Supervising Officer ka Musa Compound katwa ha Gopalji Compound, Jhalupara u Incident Commander, Zone-III, u man u kam u Supervising Officer ka Goenka Compound (Kamakhya Complex) wa em pyrchah ka Cantonment Beat House kiwa da pynbna kam ki Containment Area.
Kani ka hukum ym em khang ko ya ki wakreh ka chnat i chait i khiah, ka Shillong Municipal Board, ki laad pathai khubur, Petrol Pump wa kiwa libooh LPG.
Ya kiwa leh pyrchah daw chah pynchitom katkam ka aiñ Disaster Management Act, 2005 waka IPC.
