Shillong: Neidaw wa em kiwa yoh COVID-19 kamjooh wa em kiwa em hei maa wow yoh ya uni u khñiang ha ki yung (Building & compound) ka Santina Kharkongor ha Madanrting, Block F, Shillong wa ha ki yung u Rajen Singh, Rajesh Singh, Baldip Singh wa u Kalwinder Kaur ha Garoline, Laitumkhrah wei da emkaam wow leh yei booddien ya kiwa em hei maa (Contact Tracing), Testing wei wow khangkset yow yada yaki paidbah na kani ka khlam.
Ka District Magistrate, East Khasi Hills District, da pynmih hukum ko haka 20 tarik uni u bnai yow pynbna ya kini ki yung haneiñ kam ki Micro Containment Area yow khang yei psiah i mih ki paidbah khlem da yoh bor cha kini ki thaw.
Na ki jooh ki daw, ka District Magistrate, East Khasi Hills da pynbna Micro Containment Area ko ya i yung ka Sholinda Dkhar, House No. RN 035, i yong u P. Onyton Lyngdoh ha Lawjynriew, Rngi Neng, i yung u Shubhashish Dhar ha Jail Road Bazar wa ki yung ka Shumbul Ali, Rohini Baghdas, Sitaram Sharma, Md Shagri, Dr. M M Khan, Amit Sharma wa Sunita Gurung ha Jhalupara nadooh ynne ka 20 tarik yow khang yei psiah i mih khlem da yoh bor cha kini ki thaw.
Ya kiwa leh pyrchah daw pynchitom katkam ka aiñ Disaster Management Act, 2005 wa IPC.
