Neidaw wa em kiwa yoh COVID-19 ha Joseph Nardini Seminary, Ummulong wei da em leh kiwa yachem wa kiwa yoh ya uni u khñiang kiwa da em hei maa; da emkaam wow leh yei booddien ya kiwa kiwa yachem wa kiwa yachem pateiñ, u leh ya ki Test, i Quarantine, i phah chong kset samen wa kiwi kiwi kiwa emkaam yoh khang yei poor kani ka khlam.
Kamtæ neiliang u DC ka West Jaiñtia Hills District da pynmih hukum u ynne ka 17 tarik yow pynbna ya ka Joseph Nardini Seminary, Ummulong wow man ko kam ka Micro Containment Area chi syndon hadooh wa pynmih hukum da kamwi.
Waroh kiwa em hapoh ka Containment Area toh u neh bait ki hapoh yung, ym toh wow mih ki cha lait wei kiwa na baar ym toh wow psiah ki chapoh ka Containment Area.
Da khang wow pynman ya kiwon kiwon ki yalang paidbah, ki dukan leh toh u man ki kiwa khang, kamjooh ki yung krehkaam sorkar wa ki yong ki bru samen wa em hapoh ka Containment Area.
Ki kari wa wan na baar ka Containment Area ye ki wow lai luti napoh ka Containment Area deiwa khlem sangeh hapoh ka Containment Area.
U Incident Commander u man u kam u Supervising Officer kani ka thaw wa da pynman Containment Area.
Kani ka hukum da pynlait ko ya ki wakreh Health, ki wakreh u DC ka District, kiwi ki bru sorkar wa ki wakreh wa yatoh wa ki kaam wym hoi u dam (Essential Services), ki laad pathai khubor wa ki wakreh yow li booh tadong LPG.
Ya kiwa leh pyrchah daw pynchitom katkam ka aiñ Disaster Management Act, 2005 wa ka IPC.
