Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang wei yow ye u leh ya iwa emkaam deiwa leh yaki Test, i booddien, u khangkset wa kiwi kiwi yow yada yaki paidbah nei poor uni u khñiang, ka District Magistrate, East Khasi Hills District da pynmih hukum ko ynne ka 24 tarik yow pynbna Micro Containment Area ya kini ki yung ha wah:
I yung ka M. Kharmawphlang, Riat Laban East, Madan Laban, i yung ka E Lamin, Lawsohtun Block-2, i yung ka Tina Warjri, Khliehshnong, Malki, i yung u Dylan B. Syiem, Nongpyngrope, Malki, i yung ka Bioi Talang, Lawjynriew Lumbhalang waki thaw sah (Staff Quarters & Staff Dormitory) ka Pinewood Hotel, Shillong yow khang yei psiah i mih khlem da yoh bor cha wa na kini ki thaw.
Ha kawi won ka hukum, hadien wa da dep wow leh yeiwa emkaam wei da yoh leh ya ki Report, ka District Magistrate, East Khasi Hills District da pynmih hukum ko ynne ka 24 tarik yow pyndam yei pynman Containment Area ya i Compound u Haradhan Paul ha Oakland, i yung u Victor Bhattacharjee ha Wahdienglieng, ki yung (Flat) haka 2nd wa 3rd Floor i yung (Building) u R.D. Pala, Howell Road, Laban wa i Bamboo Hut Restaurant kamjooh i thaw sah ki wakreh (Staff Quarters), M.G. Road chi syndon.
