Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang ha i yung wa i thaw (Compound) u Tamal Bhattacherjee, Rilbong hajan Beat House, ha i yung u Wilson Kharkrang ha Wahkdait, Malki wa ha i yung u Samuel Lalremkime ha Risa Colony heiwa da emkaam wow leh ya i booddien ya kiwa em hei maa, ki Test wei wow khangkset ya kini ki thaw yow yada nei poor uni u khñiang.
Ka District Magistrate, East Khasi Hills District, da pynmih hukum ko haka 28 tarik uni u bnai yow pynbna ya kitai ki yung haneiñ kam ki Micro Containment Area nadooh ka 28 tarik uni u bnai yow khang yei psiah i mih khlem da yoh bor cha wa na kini ki thaw.
Ha kiwi won ki hukum, hadien wa da dep wow leh yeiwa emkaam wei da yoh yaki Report. Ka District Magistrate, East Khasi Hills District da pynmih hukum ko haka 28 tarik uni u bnai yow pyndam noh chisyndon yei man Containment Area ya i yung (Building & Compound) ka Santina Kharkongor ha Madanrting, Block F, ki thaw wa em nadooh na MUDA Housing Complex wa Field Residency Inn hadooh i yung ka Robina Thangkhiew wa ker kut da u dooid ka Municipal wa nadooh i yung ka Imosila Sohtun wa Daphi Marbaniang hadooh i yung ka Rosa Kharbamon waka Darisha Kharbamon wa ker kut da u dooid ka Municipal ha Lumpyllon, Lower Mawprem.
