Shillong: Neidaw wa em kiwa yoh COVID-19 wei da em leh kiwa em hei maa wow yoh ya uni u khñiang wei yow ye u leh yeiwa emkaam yow khanglaad yei poor uni u khñiang.
Ka District Magistrate, East Khasi Hills District da pynmih hukum ko yow pynbna ya i yung ka Melinda Syiemlieh ha Lumdiengsoh, i yung ka Fidoris Lyngdoh ha Lumsohphoh, i yung ka Besi Sol Chalai, Bishnupur Inverniel (hajan Ashiyana Guest House), i Muslim Compound ha Lumdiengjri, i Kharbamon Compound ha Lower Mawprem wa waroh 35 tylli ki manyung nadooh i yung u Jagadish Ray hadooh i yung u Ravinder Ray ha Pdengshnong, Golf Links yow man ki kam ki Micro Containment Area yow khang yei psiah i mih khlem da yohbor cha kini ki thaw.
Waroh kiwa em ha kini ki thaw toh u neh bait ki hapoh yung katwa kiwa na baar ym toh u psiah ki cha kini ki thaw.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
Ha kawi won ka hukum, hadien wa da dep wow leh ya iwa emkaam wei da yoh leh yaki Report, ka District Magistrate, East Khasi Hills District da pynmih hukum ko yow pyndam noh u pynman Containment Zone ya i yung ka Nimmi Chettri, Nepali Compound, Rilbong chi syndon.
