Hadien wa ynnin ka sngi u DC ka East Jaiñtia Hills da pynbna u ki kyndon neibynta ki chnong wa daw lai luti u sarok 4-Lane, ynne won ka DC ka East Khasi Hills da pyntip ko wa ka sorkar Meghalaya lyngba ka National Highways and Infrastructure daw thied thaw ko neibynta uni u 4-Lane Greenfield Alignment (High-Speed Corridor) wei daw lai luti u na kini ki 7 tylli ki chnong:
1. Mawsiatkhnam, 2. Lumkseh, 3. Lumdiensai, 4. Nonghali, 5. Mawpdang (Mawkhanu), 6. Diengpasoh (Jaroit), 7. Mawryngkneng (Mawiong Sung).
Kiwa chong chnong kini ki chnong da pyntip cha ki wa lada em iwon iwon iwa mut ki wow chna thymme næ wow kreh kiwon kiwon ki kaam wa haap ha ki bynta wow lai uni u sarok, daw hap ki wow yoh bor na ka yung krehkaam ka DC.
Da ong leh wa lada em iwon iwon iwa chna khlem da yoh bor lada iwa chipor næ iwa da chna pura kiwa da chna ha ini i por wa da pynmih ya kani ka pynbna paidbah, ym kheiñ de ki kam kiwa em hok wow yoh ya ka bai lutsan (Compensation) heipor wa thied thaw wei manda sdang i kreh.
Kani man ko neibynta waroh ki jait wa da chna lada toh ki yong ki bru samen, ki thaw nadooh ki dukan næ ki thaw wa pynmih kamai.
Kani ka hukum u krehkaam ko chisiendon.
Discussion about this post