U DC ka West Jaiñtia Hills District da pynmih hukum u ynne ka sngi hapoh ka Section 144 Cr.PC wa kiwi aiñ yow pynman ya ki 6 tylli ki chnong wa haap hapoh ka Amlarem Civil Sub-Division wa nadoh ka pyrdi synyaw ka 22 tarik hadooh 6 waje i step ka 27 tarik uni u bnai yow man ki kam ki Containment Zone.
Ya ini da leh hadien wa em 3 ngut kiwa yoh COVID-19 kiwa na Amlarem Civil Sub-Division yow khanglaad leh yei poor uni u khñiang kamjooh yow e laad ya ki wakreh ka Health & Family Welfare Department wow booddien yow thooh lada dang em chooh kiwa yoh ya uni u khñiang deiwa lai na kawi ka yung cha kawi.
Kini ki chnong wa da pynman kam ki Containment Zone toh ka Amlarem, Krangpamtdong, Amsarim, Ladjaplem, Amshipai, Lai Lyngdoh wa Amlatdoh.
Kamtæ da khang wow mih næ wow psiah cha kini ki Containment Zone lait noh wa emkaam heiyatoh wa i chait i khiah.
Da khang leh wow pynman ya kiwon kiwon ki jait yalang, da phah khang leh ya waroh ki dukan wei kiwa leh pyrchah daw pynchitom ya ki katkam ka aiñ.
