U Deputy Commissioner ka West Jaiñtia Hills District da pyntip u wa neidaw wa em kawi wa yoh COVID-19 ha New Hill, Jowai wei kam chibynta wow yada nei poor uni u khñiang yow yada yaki paidbah wei kamjooh yow ye u pyndep yaka booddien ya kiwa yajan wa kawa yoh ya uni u khñiang da pynbna yaka New Hill Jowa kawa em hapoh ka Ladthadlaboh Urban PHC kam ka Containment Zone.
Kani ki Containment Zone u krehkaam ko nadooh pyrdi synyaw ka 25 tarik hadooh i step 6 waje ka 29 tarik uni u bnai. Ha kini ki jooh ki sngi wa i por da pynbna leh ya ka Amlarem, Krangpamtdong Amsarim, Ladjaplem Amshipai, Lai Lyngdoh wa Amlatdoh, kiwa haap hapoh ka Amlarem Civil Sub-Division wow man ki leh kam ki Containment Zone.
Kamtæ da khang yaki paidbah wow mih wow psiah chapoh kani ka Containment Zone, ya kiwa chong chnong won toh u neh bait ki hapoh yung lait noh kitu ki wakreh ka chnat i chait i khiah wa kiwa wanrah ya ki mar wa emkaam kiwa leh yei kaam yong ki.
Ym chah wow pynman ya kiwon kiwon ki jait yalang paidbah, ki dukan waroh toh u man ki kiwa khang, daw pynchitom ya kiwa leh pyrchah ya ini.
