Shillong: Ka yung krehkaam Superintendent of Fisheries, East Jaiñtia Hills District da pynman ko ya ka yaaw Aqua Fest 2019 ynne ha yung krehkaam u Deputy Commissioner ka District heiwa u montri ka chnat Social Welfare, u Kyrmen Shylla da man u kam u kongsan.
Kiwi kiwa da em ha kani ka sngi toh u F.M Dopth, Deputy Commissioner, East Jaiñtia Hills District, u S.S. Syiemlieh, Addl. Deputy Commissioner, ka D.M. Suja, Addl. Deputy Commissioner, u Hubert Kharbukhi, Superintendent of Fisheries, ka District wa kiwi ki sahep ki chnat waphær waphær ka District.
U Kyrmen Shylla, hawa e yei klam da ekhublei u ya kiwa psan dakha kiwa da kreh chitom wow pynrmkaam ya ki Scheme wa e da ka chnat hapoh ka District.
Da ong u wa ki dakha wa em ha District toh kiwa khlem dawai wei man ki kiwa miat bha wow baam kamtæ da pynchlur u ya ki wow pynboon ki u pynmih dakha i wow yarap ya ki wow pynku yei kamai yong ki.
U F.M. Dopth da ong u wa em boon ki Scheme wa da pynkrehkaam da ka sorkar kam ka Aqua Culture Mission heiwa da e yarap 1000 tylli ki nan wow pynchlur ya kiwa psan dakha wei wow pynku yei pynmih dakha.
Da ong u leh wa emkaam wow tipmit ya ki yaw dakha heiwa ki dakha na ka District ye u dai ya ki wei ini daw yarap i ya kiwa psan dakha khnang wow pyndap yei emkaam dakha hapoh District.
Ha kani ka sngi da pynbna ya ka Umlangsha wow man kam ka Fish Sanctuary wow pynneh pynsah ya ki dakha kiwa mantre ha kani ka wah deiwa khang ya waroh i jait khwe ha kani ka wah.
Neiliang u montri da pynkupburom u ya u Phomris Lyngdoh na Samasi, ka Weinidabiang Lamin na Dkhiah East wa u Autonomous Phawa na Tuber Kamaishnong kiwa da ye bha u paaw ha i kaam psan dakha.
Da saam leh ya ki khusnaam cha kiwa jop ha ki yakob dro dur ki khynnah skur wa da pynman da ka yung krehkaam Superintendent of Fisheries, Khliehriat.
Discussion about this post