Da pynbna ya ki tarik thymme wow pynman ya ka PET kiwa yalehkreh pulit

Neiliang u Chairman ka CRB, Meghalaya Police da pyntip u wa daw pynman biang ya ka Physical Efficiency Test (PET) yong kiwa yalehkreh pulit hadien wa pyndam ka ini wadep neidaw wa em i thut wei bakla (Technical Errors) kiwa pynman ha 1^st MLP Bn., Mawiong wa ha 4^th MLP Bn., Sohpian.

Kani ka PET wa dang pynbna thymme man ko ya waroh kitu kiwa da leh ya ka PET kawa da booh wow pynman nadooh ka 18-11-24 hadooh ka 21-12-24 ha 1^st MLP Bn., Mawiong wa ha 4^th MLP Bn., Sohpian wei ki tarik wa thymme won man ki kamni.

13^th-20^th December 2024 daw pynman ha 3^rd MLP Bn., Sahbsein, Jowai.

6^th-11^th January 2025 daw pynman ha ka 5^th MLP Bn., Samanda, Williamnagar wa ha 4^th MLP Bn., Sohpian, Nongstoin.

13^th January-15^th February 2025 daw pynman ha 1^st MLP Bn., Mawiong, Shillong wa ha 2^nd MLP Bn., Goeragre, Tura.

Related posts

U Ardent toh u Crorepati, kammon dang pynyang borti u yow paan na kiwa dooh, ong ka HNLC

May 25, 2026

Paan bor ka JCOMSWA yow chah thngan neibynta i hok wow tih mooyong biang

May 25, 2026

Kitu kiwa yaleh ya ka PET ha 3^rd MLP Bn., Sahbsen, Jowai hap ki wow Download ya ka Admit Card na ka Website ka Meghalaya Police deiwa lai ha https://megpolice.gov.in/ nadooh ka 06-12-24. Ki Admit Card won yong kitu kiwa yaleh ha kiwi won ki PET Centre daw ye ki wow Download nadooh ka 16-12-24.

Da kyntu ya kiwa yalehkreh wow puræ bniah ki yeiwa da kdaw chwa wow Download ki ya ka Admit Card wei daw e laad u pynbait ya iwa bakla Online chwa wow pynmih ya ka Admit Card.

Lada em kiwa kwah wow jied da kawi ka tarik wow pynman ya ka PET, ye ki wow phah da ka Application cha u Member Secretary, Central Recruitment Board chwa wow sdang ka PET.

Da kyntu leh ya kiwa yaleh kreh wow pait ki dei langær ya ka Website ka Meghalaya Police lada em i pynbna wa thymme wei lada emkaam ki wow tip iyi iyi wow sñiawbha u lai cha ka yung krehkaam ka Central Recruitment Board wa em ha Mawroh, Shillong wei ye leh wow Phone ha ini i Number: 6033164273.