Ka yung krehkaam u Chairman ka Central Recruitment Board ka Meghalaya Police da pyntip u wa ka Written Examination neibynta i yaleh kreh pulit wa kynthup ya ka AB/UB Group ka Eastern Range wa Western Range daw pynman ha ka 26-02-22 wa ha ka 27-02-22 kamwa wa da pynbait kamni ha wah:
Ka Written Examination/Trade Test neibynta kiwa yaleh ya ka Driver Constable (DC), Firemen (FM), Driver Firemen (DFM) wa Follower daw pyntip won hadien.
Kiwa da chah jied wow yaleh ya kani ka Exam ye ki wow Download ya ka Admit Card yong ki nadooh ka 17-02-22 neibynta kitai ki kaam wa haneiñ naka Website ka Meghalaya Police. Yow Download hap wow pynemkaam ya u Unique Reference Number wa da yoh ki hawa yaleh kreh deilang waka sngi kha yong ki.
Ki thaw wa da booh wow pynman Exam, yei pyrtuid kiwa yaleh kreh deilang wa ka tarik daw booh ha ka Website ka Meghalaya Police.
Kiwa yaleh Exam hap ki wow wanrah ya ka ID Card (EPIC/Aadhaar/Driving License/PAN Card), ka Clipboard yong ki hi, u khulom (Black or Blue Ball Pen) wa kiwi de deilang waka Admit Card neibynta kani ka Written Exam.
Neidaw wa em ka khlam COVID-19, kiwa wan yaleh ya kani ka Written Exam hap ki wow pynyoo ya ka Final Vaccination Certificate lane ka Covid Negative RT-PCR Report kawa krehkaam 72 kynta ha kini ki por wa pynman ya ka Exam.
Kiwa yaleh Exam hap ki wow wan chi kynta chwa wow sdang ka Exam.
Ya ka yutip wa bniah ye wow Phone ha ini i Number: 6033164273.
