Shillong: Neidaw wa em kiwa yoh COVID-19 ha ki kattu katni ki thaw ha Rilbong, Shillong kamjooh da em leh kiwa em hei maa wow yoh ya uni u khñiang neidaw wa em kiwa da yachem wa kiwa yoh, kamtæ da emkaam wow leh ya ka booddien (Contact Tracing), Quarantine, Testing wa kiwi de yow yada yaki paidbah.
Neiliang ka District Magistrate, East Khasi Hills District, da pynmih hukum ko ynne ka 17 tarik yow pynbna yaka Nepali Compound, Rilbong nadooh i yung ka Roma Devkota, Mira Store hadooh i yung ka Sushma Talukdar hadooh wa poi ka wah Umjasai, ki dukan wa em ha i yung (Building) ka B.M. Kurbah waka Mantra Building kawa em pyrchah yaka Puja Mandap yow pynman kam ki Containment Area yow khang yei psiah i mih khlem yoh bor cha kini ki thaw.
Kani ka hukum da khang ko ya waroh ki bru paidbah wow psiah cha kini ki thaw, kamjooh ki bru wa em hapoh kini ki thaw wow neh bait ki hapoh yung.
Da khang wow pynman ya kiwon kiwon ki yalang paidbah, u wai yaki dukan, ki yung krehkaam sorkar kamjooh yong ki bru samen. Ya iwa emkaam daw pynbiang da ki bru ka DC.
U Incident Commander, Zone-II, u man u kam u Supervising Officer kini ki thaw wa da pynbna kam ki Containment Area.
Kani ka hukum ym krehkaam ko ya kitu ki wakreh ka chnat i chait i khiah, Shillong Municipal Board, ki laad pathai khubor, ki Petrol Pump wa kiwa li booh kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 wa IPC.
