Shillong: Ka District Magistrate, East Khasi Hills District da pynmih hukum ko ynne ka 27 tarik yow pynman yaka Lumpyllon, Lower Mawprem kiwa man kamni ha wah:
- Nadooh MUDA Housing Complex wa Field Residency Inn neiliang sepsngi hadooh i yung ka Robina Thangkhiew wa ker kut da u dooid ka Municipal neiliang mihsngi wa
- Nadooh i yung ka Imosila Sohtun waka Daphi Marbaniang hadooh i yung ka Rosa Kharbamon waka Darisha Kharbamon wa ker kut da u dooid ka Municipal yow man ki kam ki Containment Area yow khang yei psiah i mih wa khlem yoh bor cha wa na kini ki thaw.
Ya kani ka hukum da pynmih hadien wa da ku kiwa dang yoh COVID-19 ha Lumpyllon, Lower Mawprem yow ye u lai neiwi i yung cha iwi yow chem ya kiwa em hei maa wow yoh ya uni u khñiang. Kiwa em ha kini ki thaw toh u neh bait ki hapoh yung.
Lada em kiwa yoh yaki dak ki chin chitom wa yoh COVID-19 toh u Phone ki wut wut cha u 108.
Ha kawi won ka hukum da pyndam yei man Containment Area ya kini ha wah nadooh ynne ka 27 tarik:
I Income Tax Quarters, Type-2, Quarter No-4 wa em ha Keating Road, ka State Bank of India RASMECC, 2nd Floor Shillong wa ki thaw sah ki wakreh (Staff Quarters) kiwa em hadien ka Raj Bhavan Campus, Shillong.
Tangwa i yung u Om Prakash, Rapsang Building ha Keating Road wa ki Quarter u Sanjay Biswa, u Suresh Singh, u Dinesh Pradhan wa i yong u Ramashray Prajapati wa em hadien ka Raj Bhavan Campus, Shillong u man hi ki kam ki Micro Containment Area.
