Jowai: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang ha Nongthymme, Ialong wei da emkaam wow leh yei booddien ya kitu kiwa yachem wa kiwa yoh COVID-19 kamjooh kiwa yachem pateiñ yow ye u yada nei poor uni u khñiang.
Kamtæ u District Magistrate, West Jaiñta Hills da pynmih hukum u ynne ka 1 tarik u Naichiphaw yow pynbna ya ki kattu katni tylli ki yung wa em ha Nongthymme, Ialong yow man ki kam ki Micro Containment Area nadooh ynne ka sngi yow khang yei psiah i mih khlem da yoh bor cha wa na kini ki thaw.
Kini ki yung kiwa em kamwa 24 tylli toh kiwa da pynbna kam chibynta wow yada wa ye kawa yoh ya uni u khñiang u psiah cha kini ki yung wei da em leh ki dukan kiwa da em hapoh kani ka Micro Containment Area.
Da khang wow pynman ya kiwon kiwon ki yalang paidbah, wow wai yaki dukan, ki yung krehkaam sorkar kamjooh yong ki bru samen wa em hapoh kini ki thaw.
Ka Assistant Sector Magistrate, Thadlaskein C&RD Block u man ko kam ka Supervising Officer kani ka Micro Containment Area.
Ya kiwa leh pyrchah yaka hukum daw pynchitom katkam ka aiñ Disaster Management Act, 2005 waka IPC.
