Shillong: Hadien wa yoh yei yutip na u Block Development Officer, Mawkynrew C&RD Block wa na u Medical & Health Officer In-charge ka Mawkynrew PHC wa em uwa yoh COVID-19 uwa da yachem wa kiwa boon ki bru ka chnong Mawlein kawa em hapoh Mawkynrew C&RD Block wei uwa yoh ym em leh u ya ki laad yada hadien wa da phah wow chong khop chi thaw katkam ki kyndon ka sorkar.
Kamtæ ka District Magistrate, East Khasi Hills District da pynmih hukum ko ynne ka 24 tarik yow pynbna yaka chnong Mawlein kawa em hapoh Mawkynrew C&RD Block wow man ko kam ka Containment Area hadooh wow ye u pyndep ya iwa emkaam, kamjooh yow khang yei psiah i mih khlem da yoh bor cha kani ka chnong.
Ha kawi won ka hukum, neidaw wa em wa yoh COVID-19 kamjooh wa em kiwa em hei maa wow yoh ya uni u khñiang wei yow ye u leh yei booddien ya kitu kiwa em hei maa, u leh yaki Test kamjooh yow khang kset yow yada yaki paidbah, ka District Magistrate, East Khasi Hills District da pynmih hukum ko ynne ka sngi yow pynbna yei yung ka Batsy Khongwir wa em ha Jaiaw Lumpyllon kam i Micro-Containment Area yow khang yei psiah i mih wa khlem yoh bor cha ini i thaw.
Ka hukum da ong ko leh wa waroh kiwa em ha kini ki thaw toh u neh bait ki hapoh yung.
