Da pynbna yaka Night Curfew ha ki thaw wa em cha palatsor ha East Khasi Hills

Shillong: Ka District Magistrate, East Khasi Hills District da pynmih hukum ko ynne ka 25 tarik hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 deiwa pynkrehkaam daka Night Curfew ha waroh ki thaw palatsor ka East Khasi Hills District nadooh ka 27^th July, 2020 hadooh ka 3^rd August, 2020 nadooh i por 09:00 waje i miet hadooh 5:00 waje i step man-ka-sngi.

Ka District Magistrate da ong ko wa kani ka hukum ym krehkaam ko ha ki thaw ka sor Shillong (Urban Agglomeration), wa kynthup ya waroh ki Census Town ki thaw wa haap hapoh ka Mawlai wa Mawpat Block, ki thaw hapoh ka Mylliem Block nadooh na Umshyrpi Bridge hadooh 7 Mile Upper Shillong, Madanrting, Mawblei, Laitkor, Nongkseh, Umlyngka, Lawsohtun wa Mawdiangdiang.

Kani ka hukum ym krehkaam ko ya ki pulit, ki chipai, ki wakreh hei chait i khiah, Wholesale wa Retail Pharmacy, Fire & Emergency Service, MeECL, NEEPCO wa Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, Press, Print wa Electronic Media, Petrol Pumps wa kynthup yaka Indian Oil Corporation, ki kaam kam ki Health Services, Hospitals, Clinic, Dispensary, Veterinary Clinic, Lab, ki thaw chna kari kiwa da yoh bor, ki dukan dai tiar kari (Spare Parts Dealerships) ka Health & Family Welfare Department wa ki wakreh sorkar kiwa leh yei kaam yong ki.

Kini waroh hap ki wow bood yaki kyndon ka Social Distancing, u pynduna ya ki bru wakreh yong ki wa kiwi de ki kyndon wa da pynmih daka chnat Health and Family Welfare Department khlem pep..

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

I lai ki kari wa kit yaki mar wa emkaam, kiwa kit chipai, ki tiar ki tar sumaar sukher, ki dukan chna Truck kiwa em ha ki sarok-bah man ki kiwa lait na kani ka hukum. Kiwa yah kari wa kiwa yarap ya ki hap ki wow leh yaka Medical Screening katkam ki kyndon.

Kani ka hukum ym em pynlait ko leh ya kitu kiwa em ha Mawlai Mawtawar wa Kreit Mawshaton kiwa man kam ki Containment Areas heiwa yaki da em ki yong ki hi ki kyndon.

Yaki Curfew Passs neibynta 09:00 PM hadooh 5:00 AM nadooh ka 27^th July, 2020 hadooh 3^rd August, 2020 ye u yoh lyngba ka Online Application ha www.eastkhasihills.gov.in.