Shillong: Neidaw wa em wa yoh COVID-19 wei neidaw leh wa suba wa em ki bru kiwa em hei maa (High Risk Contacts) na u COVID-19 ha Jairam Roy Compound, Mawbah Barapathar wei yow ye u leh yaka Contact Tracing, Quarantine, Testing wa Isolation kamjooh wow khang kset ya ini i thaw yow yada yaki paidbah na i poor uni u khñiang.
Kamjooh leh yei yung u Hrishikesh Chakraborty, Burnside Compound, hajan Sankardev Girls Hostel, Rilbong.
Ka District Magistrate, East Khasi Hills District da pynmih hukum ko haka 12th August, 2020 yow pynbna ya kini ki thaw wa da kdaw kam ki Containment Area.
Kamtæ da khang ya kiwon kiwon ki bru kiwa na baar wow psiah cha kini ki thaw kamjooh ki bru wa em ha kini ki thaw wow neh bait ki hapoh ki yung ki.
Da khang wow pynman ya kiwon kiwon ki yalang paidbah, u wai yaki dukan, ki yung krehkaam sorkar kamjooh yong ki bru samen kiwa em ha kini ki thaw hadooh wa pynmih hukum da kamwi.
Ya iwa emkaam daw pynbiang ki bru ka bor District.
Kani ka hukum ym em khang ko yaki bru ki chnat i chait i khiah wow leh yei kaam yong ki, ki laad pathai khubor, ki Petrol Pump wa kiwa li booh kum LPG.
Ya kiwa leh pyrchah daw pynchitom katkam ka aiñ Disaster Management Act, 2005 wa IPC.
