Ka Yaman Production kawa man ka seiñ wa pynmih phlim na Ri-loom Jaiñtia, lyngba u Arwotki Sumer ynne ka sngi da pynbna ko wa da pynlait ya ka Pnar Film Comedy kawa pyrtuid Yndae ha ka 9 tarik uni u bnai.
Neiliang u Arwotki da e khublei nyngkong u ya ki lok najan najngai kiwa da jooh kyrchaan ya ka Yaman Production neipor cheipor hei wow pynmih ya ki phlim wa ki sur.
Da ong u wa ya kani ka phlim daw pynyoo paidbah haka 15, 16 waka 17 tarik uni u bnai ha Yungwalieh ka Panaliar, Jowai.
Chooh chooh da ong u wa ya kani ka phlim ha ka 15 wa 16 tarik u pynyoo ya ka du heipor 4:30 i janmiet katwa ha ka 17 tarik won u pynyoo heipor 4:30 i janmiet wa 7:30 i miet.
Discussion about this post