Ha ka yalang wa pynlai da u Dr. R. Suchiang, Subject Matter Specialist (AH&Vety) ka KVK Jaiñtia Hills, kawa man leh kam chibynta ka yalang wa pynman u Montri Rangbahdooh, u Narendra Modi lyngba ka Internet heiwa da pynlait u ya ki rukom krehkaam wa kyrpang hei wow pynkrehkaam ya ki kor wa ki stat katkam ka juk wa katni wa i kylla ka suiñ bneiñ.
Heiwa ha kani ka sngi ka yung krehkaam u Montri Rangbahdooh da pynlait u 35 tylli ki mar rep kiwa ye u im hapyrdi i kylla i suiñ bneiñ yow pyndap baam ya ki bru, wei ya kini ki mar rep da pynwan dur da ka Indian Council of Agricultural Research (ICAR).
Neiliang u M. Kharbuli, Farm Manager, KVK Jaintia Hills hawa pynsñiawthooh hajrong ka Climate Resilient Agriculture namo i rep deiwa ye u yaleh pyrchah nei kylla ka suiñ bneiñ, da kyntu haroh u ya ki warep wow rep katkam i stad wa i kylla ka suiñ bneiñ khnang yow ye u pynmih rap boon ki mar rep.
U A.C. Pariat, Senior Fellow Research (SRF) hapoh ka ARYA Project, KVK Jaintia Hills da klam u hajrong i rep tit, u F. Sutnga, Senior Fellow Research (SRF) hapoh ka NICRA Project, KVK Jaintia Hills da batai u hajrong ka phang “Different Climate Resilient which are feasible to be used in the farmer’s field”.
Ha kani ka prokram deilang wa ki warep da emlang leh ki sahep wa kiwa kreh ka chnat krehkaam KVK.
Neitæ da em leh i phyllu yumut wa ki warep wa emlang ha kani ka sngi.
