Hadien wa em boon ngut kiwa chah ktah ha ka khlam COVID-19 hapoh Panaliar, Jowai neiliang ki bor District ka West Jaiñtia Hills ha ka 19 Naisan da pynkrehkaam ki da ka Micro Containment ha ka Kynjing Colony wa ha Pamhadem, Panaliar Jowai.
Neiliang u DC ka District da pyntip u wa hadien wa booddien ya kiwa chah ktah ha u COVID-19 wa kiwa yajan wa ki, da chem wa da ye wow pynsageh yei poor kani ka khlam ha kini ki ar kyntoit ka Panaliar.
Ynnin ka 30 tarik da rai wow pyndam noh ya ka Micro Containment ha Kynjing Colony wa Pamhadem.
Kamtæ da kyntu leh ya ki paidbah wow bood ya ki kyndon wow yada na kani ka khlam COVID-19.
