Jowai: U District Magistrate, West Jaiñtia Hills da pynmih hukum u ynnin ka 8 tarik yow pyndam noh yaka hukum pynman Containment Area ya ki yung wa em ha dong Nongthymme, Ialong.
U District Magistrate da pyntip u wa ya ini da leh hadien wa da yoh yaka Report naka Health & Family Welfare Department, West Jaiñtia Hills wa da dep wow leh yei booddien ya kiwa em hei maa wow yoh ya uni u khñiang wei da dep wow hikai kammon wow im deiwa pynmyllien da i rukom wa thymme.
U District Magistrate da pyntip u leh wa ka Village COVID-19 Management Committee, Ialong Village deiwa yakrehlang waka District Administration, Jowai Municipal Board wa u District Surveillance Officer; daw pteiñ ki wow booddien ya i rukom im kiwa em ha kini ki thaw.
Kiwa sah ha kini ki thaw da phah yaki wow bood ki thij ya ki kyndon wa yatoh wa i chait i khiah wei ym toh wow noh roi yei jhep wei wow leh katkam ki kyndon deiwa ya krehlang wa ki bor pynlai chnong, ki bor pynlai District wa ki pulit.
