U District Magistrate ka West Jaiñtia Hills da pynbna u wa da pyndam yaka hukum pynman Containment Area yaka Lumpariat, Ladthadlaboh, Moosalyngkat waka Caroline Colony chisyndon nadooh myntu ka 4 tarik.
Ya ini da leh hadien wa ki waheh chnong kini ki 4 tylli ki dorbar chnong da kyrpaad ki wow pyndam noh yaka hukum pynman Containment wei neiliang ka yung krehkaam u District Medical & Health Officer ka West Jaiñtia Hills leh da dep ki wow booddien ya kiwa em hei maa wow yoh ya u COVID-19, wei da lai leh na iwi cha iwi i yung yow thooh ya kiwa em ki dak ki chin wa yoh ya uni u khñiang iwa da leh ha kini ki 5 sngi kiwa da dep.
Kamtæ da chim yaka rai wow pyndam noh yaka hukum pynman Containment ya kini ki thaw.
Da phah leh yaka Village COVID Management Committee wow pyntip ki wut wut cha u Medical Officer i/c Ladthadlaboh UPHC lane deiwa phone ha u District Helpline Number 6009693315 lada em kiwon kiwon kiwa em yaki dak ki chin wa yoh ya uni u khñiang.
Da pynkynmoo leh wow bood thij yaki kyndon wow yada nei poor uni u khñiang kiwa da pynmih ka sorkar.
