Ka sorkar Bangladesh ynnin ka sngi da sdang pynlait ko ya ki poisa kot wa thymme ka ri heiwa da pynwiar lut ya i dur u Sheikh Mujibur Rahman uwa man u President wa nyngkong dooh ka ri.
U Sheikh Mujibur Rahman toh u pa yong ka Prime Minister warim ka Bangladesh, ka Sheikh Hasina, wei da jooh em i dur u ha waroh ki poisa kot ka ri.
Hadien wa yut ka Sheikh Hasina cha India, ka Bangladesh Bank ha u snem wa dadep da pynbna ko wow kreh noh ya ki poisa wa thymme.
Neiliang u heh ka Bangladesh Bank, u Arif Hossain Khan da ong u wa kattu ha ki poisa daw em noh ki dur yong ki thaw wa pawnaam ka Bangladesh heiwa ym booh de yei dur yong kiwon kiwon ki bru.
Ha kini ki poisa thymme da booh ya ki dur yong ki Mandir Hindu wa Buddhist, ki dur (Painting) wa leh da u Zainul Abedin, i dur ka National Martyrs Memorial namo u mot sahnaam yong ki bru wa yap ha ka thma Bangla 1971.
Discussion about this post