Shillong: Hadien wa dadep leh yeiwa emkaam, kam ki Contact Tracing wei da yoh leh ya ki Test Report yong ki High Risk Contacts ha R.B. Collection Store, G.S. Road, Police Bazar Shillong wa ha Musa Compound, Jhalupara.
Kamtæ ka District Magistrate katkam ka aiñ Meghalaya Epidemic Diseases, COVID-19 Regulations, 2020 da pyndam ko yei man Containment Area ka R.B. Collection Store, G.S. Road, Police Bazar, Shillong wa ka Musa Compound, Jhalupara.
Da pynrap leh wa hanlada pyndam yei man Containment Area kini ki ar thaw emkaam won wow bood bait ya ki kyndon wa da booh ka sorkar wow yada na kani ka khlam COVID-19.
Chooh chooh da pyntip wa i thaw nadooh na Jhalupara Community Hall hadooh ha Gopal Ji Compound wa Maya Compound, Jhalupara u dang pteiñ ki wow man kam ki Containment Area.
