Ka chnong Jongksha kawa em hapoh ka Mawkynrew C&RD Block, EJH kawa man leh kawi na ki chnong wa em cha palat sor kawa da chah ktah bha ha ka khlam heiwa da pynman ya ka kam ka Containment Zone nadooh ka 9 tarik uni u bnai hadien wa em palat 30 ngut kiwa yoh ya u khñiang khlam COVID-19.
Ynne ka 27 tarik, neiliang ka District Magistrate ka East Khasi Hills da pynmih hukum ko wow pyndam noh yei pynman Containment Zone ya ka chnong Jongksha.
Ya kani ka hukum da pynmih hadien wa u BDO ka Mawkynrew C&RD Block deilang wa u Medical Officer In-charge ka Jongksha PHC da pyntip ki wa na ki 86 ngut kiwa da dep yoh ya uni u khñiang, 78 ngut da chait ki wei dang sah 8 ngut kiwa dang chah ktah kiwa da chongkset ha yung.
Ya ki yung yong ki 8 ngut u pynman kam ki Micro-Containment Zone deiwa bood thij ya ki kyndon ka sorkar.
Neidaw wa dang em ka Lockdown/Curfew hapoh ka District, kiwa chong chnong toh u neh bait ki hapoh yung lait nei mih yow thied ya ki marbaam mardih wa emkaam.
Ki paidbah leh ye ki wow wan chakhmat yow lai chim yei tika, lada em kiwa em ya ki dak ki chin wa chitom, hap lai phah Test wei wow pyntip wut wut.
Waroh ki yalang paidbah, ki bia ym toh kiwa chah u pynman.
Da phah leh ya kiwa chong chnong wow deiñ ki ya ki Mask ar-rtap wei wow yajngai uwi ya uwi.
