Ka District Magistrate ka East Khasi Hills da pynmih hukum ko haka 25 tarik uni u bnai yow pyndam noh yei pynman Containment Area yaka yung krehkaam ka The Shillong Times kamjooh ki thaw sah yong ki bru wakreh yong ka.
Da pynmih ya kani ka hukum hadien wa da dep wow Test ya waroh kiwa em hei maa kamjooh i booddien ya waroh ki High Risk wa Low Risk Contacts ka yung krehkaam ka Shillong Times kamjooh ki thaw sah ki wakreh yong ka heiwa da chem wa da biang wow pyndam pynman Containment Area ya kani ka thaw.
Kamjooh da dep leh wow siat dawai wei wow pynkhooid ya ki thaw sah ki wakreh kamjooh ka yung krehkaam ka The Shillong Times wa em ha Rilbong, Shillong.
Ya kini ki thaw da pynbna kam ki Containment Area nadooh ka 22 tarik uni u bnai.
