Ka Deen Dayal Upadhyay Community College (DDUCC) for Skill Development, Wahiajer kawa man leh ka chnat ka North-Eastern Hill University (NEHU) da pyndep ko sa kawi ka e sikai kawa 6 sngi wa tip kam ka “Handmade Embroidery Making” neibynta ki khynroo khyllood kawa da sdang nadooh ka 29 tarik u bnai nyngkong wei da pynkut ha ka 4 tarik uni u bnai da ka thong wow e i stat wei sap yow ye ki wow yieñ hei kjat yong ki hi.
Ha kini ki 6 sngi da yoh yei sikai wa boon jait da ki bru wa chemphang kiwa da leh yeini i kaam da slem heiwa da sikai nadooh kammon wow ah, u soor wei wow pynmiat dur yeiwa chna ki.
Ha ka sngi pynkup burom ya kiwa da pyndep ya kiwa sikai, da emlang leh u Prof. H. Lamin (Retd), Founder Principal I/c, DDUCC, NEHU kam u kongsan, u Lukas Jat, dkhot ka chnong Wahiajer kam u symbood kongsan kiwa da ong wa kini ki jait soor kam ini man ko leh kam ka rukom im ki bru hapoh ka ri wei da pynchlur ki wow kreh chitom ki.
Da yoh leh yei klam na ka Prof. S. M. Sungoh, Principal I/c, DDUCC wa u Dr. F.R. Sumer, Librarian, NEHU.
Neiliang kiwa e sikai da pynsñiaw ki yei kmen wow yoo yei chit mynsien kiwa chimbynta yei pynkhreh yong ki wow man kam kiwa soor wa thaiñ. Wei najrong kani ka kaam man ko leh kam kawa pynmuja ye ko leh wow pynmih poisa deiwa kreh chitom.
Ini waroh man ko kam chibynta ka thong ka DDUCC wa NEHU yow e ki Vocational Education and Skill Development kiwa man leh kam ka thong ka NEP 2020 wei kamwa da angnood u (L) Pandit Deen Dayal Upadhyay.
Ya kini ki jait e sikai da pynman ki leh neipor cheipor heiwa kiwa chimbynta leh da pynsñiaw ki yei sñiawngooh yei yoh myntoi na ini heiwa da ye ki wow seiñ khih khamtam ki khynroo wa ki warep.
Da pynkut ya ka yalang da ki ktien e khublei ba u Wolnish Rymbai (Programme Coordinator) wei da saam leh ya ki Certificate cha waroh kiwa chimbynta.
Discussion about this post