Jowai: Kamwa jooh leh khlieh u snem weiwa katkam wa sikai ka Niam, ynne ka sngi da pyndep yaka Kbai Mooknor ha u Mooknor Blai uwa em ha Iawmusiang.
Heini i kbai Mooknor da em waroh ki waheh wasan nadooh u Dolloi, u Pator ki Sangot, ki Maji waki wasan waheh waroh. Ha chwa wow sdang ka kbai ka kyrha næ ka e wyrta chula cha u paid u phlang ha khmat ka Iaw ka Syiem da u Chutia.
Da-em chwa ka ya kyr-iaw daki wasan waheh waroh kiwa yieñ na jrong ka Mooknor kamwa le sien le wat dep neitæ yow sdang u chutia e yaka kbai ka kyrha katkam ka rukom watoh u kbai.
Tæ ha chwa wow li e yaka kbai ka kyrha ha khmat ka Blai Iaw Blai Syiem waroh da yachem chwa ki wasan waheh ha yung ka Langdoh ka ri Blai iwa em ha Loom Langdoh ha Loomiongkjam. U Chutia heini da kbai da e wyrta ka Chula cha ki paid ki phlang wa nadooh ynne ka sngi da sdang ka Niam ka Rukom kattu nadooh myntu ymhoi de u pynpoi yaka chyieñ ka chrooh nabar ryngkaw chapoh u ryngkaw.
Kamjooh leh ka Kbai Mooknor mut ko leh u kyntu ya ki paidbah yow yakrehlang ki weiwow yoh ki paidbah i chait i khiah wa i bha hei khih hei khan.
Discussion about this post