U Prime Minister warim ka ri, u Dr. Manmohan Singh uwa da khlaad noh u hei miet ka 26 tarik uni u bnai, ya ka niam thang u da pyndep ya ka ynne deiwa burom khaddooh ya uni u khroo pyrkhat ka ri hei emlang ki heh ka Congress, ka President ka ri, ka Draupadi Murmu, u Prime Minister, u Narendra Modi wa kiwi.
Ya i metyap yong oo da wanrah ha yung krehkaam wa khlieh dooh (Headquarter) ka Congress ynne i step heipor 8:30 heiwa u President ka Party, u Mallikarjun Kharge, ka Sonia Gandhi, u Rahul Gandhi wa ka Priyanka Gandhi Vadra da booh syntu ki hei metyap yong oo.
Na Headquarter iwa em ha 24 Akbar Road da lai luti cha i thaw wow pyndep ya ka niam wa khaddooh ha Nigambodh Ghat heiwa u Rahul Gandhi da chong u ha ka kari wa kit ya ini i metyap heiwa ki paidbah da kbai ki yei kyntien wa ong ‘Jab Tak Suraj Chand Rahega, Manmohan Aapka Naam Rahega’ namo kat dang em ka sngi wow bnai daw neh i naam u Manmohan.
Manda poi ha Nigambodh Ghat da pyndep noh ya ka niam thang ya u Manmohan Singh heiwa ya i diñ da e da ka khon wa nyngkong u, ka Upinder Singh hei emlang ka kurim u, ka Gursharan Kaur ki ar ngut ki khon kynthai u, ka Daman Singh wa ka Amrit Singh.
Discussion about this post